مـــســـآآكـمـ , شــ ع ــر ...
*على رعشة ظما جيتك..أبي نظره على حالي
أبيك تشوف محبوبك..كيـف أن القـدر خانـه
أجيك وكلي ياصغري..وقلب من الكبر خالـي
وأحـاول قـد ما أقـدر..أدور للرضـا خـانـه
أنا لو قلت أنا أحبـك..وحبـك مشغـلٍِ بالـي
تصفق لي عروق القلب..تغني لي على ألحانـه
أخاف أطيح من عينك..بعد ماكنت أنـا غالـي
أخاف أكون ذاك اللـي..فقـد ربعـه وخلانـه
أخاف أني أصوّت لك..وأصيح بصوتي العالـي
وأخاف أنك تجاهلني..وتنكـر قلبـي وأعلانـه
أنا وشلون أسولف لك..؟ وأعبر لك عن أحوالـي
عطني فرصه وازهلها..أخلـي الدنيـا رويانـه
قلوبٍ ترتجي وصلي..وأنا أكبـر منهـا بوصالـي
أبيع قلوب حبتنـي..وكـل هـذا علـى شانـه
أنادي له حبيب الروح..تعـال وخلـك قبالـي
تعال وكلي سميتـك..(عقـد لولـو ومرجانـه)
تعال وننسى دنيانا..ونسكـن برجنـا العالـي
ونكتب للحزن فارق..ماعـاد لدمعتـك خانـه
حبيبي لـو تناسيتـك..أمانـه من هـو يبقالـي؟
بشر ماهمهم قلبـي..بشـر والدنيـا خوّانـه
هذاك بـ يفرح لموتـي..وذاك بـ يشمـت بحالـي
قلوبٍ ماتعرف الحب..علـى هالدنيـا غلطانـه
حبيبي لو بغيت الموت..أبيـك تكـون قتّالـي
بشرع الحب أنا مسامـح..إذا هالدنيـا زعلانـه
ولو ماودك بموتي..أكـون بسجنـك أحلالـي
سجينك من وسط سجنـه..يناديلـك ياسجّانـه
أحبـك يالغـلا دامـك..بقلـبـي الأول التـالـي
طيري في سما صـدرك..يرفرف لـك بـ جنحانـه
أبيك تعيشني قصـة..قبـل موتـي وترحالـي
قبل لا يندفـن شوقـي..مـدام كفوفـي عطشانـه
حبيبـي طالبـك طلبـه..إذا وصلـك تهيّا لـي
ترى عمر الزمن جافي..ولـو ضمتنـي أحضانـه
أبيك تضمني حتى..تشوف أنـه هـدى بالـي
وإذا حسيت في روحي..تراها حيـل ولهانـه
أبي أقهر قلوب البعض..ومنها قلوب عذّالـي
أبي أدبل كبـود اللـي..بغـت حزنـي وعنوانـه
أبي لامنهم دروا عنك..ترفع حاجبـك عالـي
رجيتك أسكت وطالـع..هـذولا نـاس مرضانـه
فديت حجاجك ورمشك..فديت الطيّب الغالـي
فديت أسمك,,إذا أسمك..أهـو قافـي وعنوانـه
من تجميعي ..دمـتـمـ بــوود ..
